Bra påmelding, men det er framleis plass til fleire

Vi er begeistra over å sjå at påmeldingane renn inn for alle dei ulike løpa, og minner om at fristen for påmelding til singelløp og hovudstafetten er i kveld, 30. mai kl 23.00. Det betyr at du framleis har sjansen til å hive deg med. 

Mosjonsklassen er tilrettelagt for alle

Dersom du ynskjer å delta som mosjonist, kan du melde deg på ved frammøte. I mosjonsklassen står du fritt til å gå, jogge, springe eller sykle deg gjennom løypa - aleine eller saman med venner og familie. Her er det fritt fram for alle til å delta på sitt nivå, basert på sine forutsetningar. Det viktigaste er ikkje å vinne, men å delta. 

Stafett og aktivitet for dei minste

For dei yngste deltakarane er det tilrettelagt med både ei kort og ei lang barneløype, avhengig av alderen til barnet. Den korte barneløypa (0-6 år) er utan tidtaking og påmelding skjer ved oppmøte, medan dei litt eldre borna (7-12 år) spring den lange barneløypa med påmelding innan midnatt 30. mai.  Det er gratis deltaking for borna, og premie til alle. 

Rakettløypa på sjukehusområdet er også tilgjengeleg for alle born, og det er oppmøte ved løypa for deltaking. 

Felles meistring gjennom fysisk aktivitet

Fysisk aktivitet førebyggjer plager og er ei viktig kjelde til helse, livskvalitet og overskot i kvardagen. Med deltaking i stafetten får du sosialt påfyll, fysisk aktivitet og masse gode opplevingar. Det gir ekstra energi å gjere ting saman, og det å få til noko saman med andre, er bra for både den fysiske og psykiske helsa.

Vi håpar å sjå deg!